ഇന്ത്യൻ റെയിൽവേ 11 തരം ഹോണുകൾ

ചെറുതും വലുതുമായി 11 ഹോണുകളാണ് ഇന്ത്യൻ റെയിൽവേയ്ക്ക് ഉളളത്.

ട്രെയിനിന്റെ വരവും പുറപ്പെടലും മാത്രമല്ല ഹോൺ കൊണ്ട് സൂചിപ്പിക്കുന്നത്, ഓരോ ഹോണിനും അതിന്റെ ദൈർഘ്യത്തിനും പിന്നിൽ വ്യത്യസ്ത അർത്ഥങ്ങളുണ്ടു. :

അപകടത്തെക്കുറിച്ച് സൂചന നൽകുന്നത് മുതൽ ട്രാക്കുകൾ മാറ്റുന്നത് വരെ…. അതൊക്കെ എന്താണെന്നു നോക്കാം.

ഒരു ചെറിയ ഹോണ്‍ - ലോക്കോ പൈലറ്റ് അടുത്ത ട്രിപ്പ് പുറപ്പെടുന്നതിന് മുമ്പായി ട്രെയിന്‍ കഴുകുന്നതിനും വൃത്തിയാക്കുന്നതിനുമായി എടുക്കുന്നതിനെ സൂചിപ്പിക്കുന്നതാണ് ഈ ചെറിയ ഹോണ്‍ ശബ്ദം.

രണ്ട് ചെറിയ ഹോണുകള്‍ - ലോക്കോ പൈലറ്റ് രണ്ട് ചെറിയ ഹോണുകള്‍ നല്‍കിയാല്‍ അതിനര്‍ത്ഥം ട്രെയിന്‍ പുറപ്പെടുന്നതിനുള്ള റെയില്‍വേ സിഗ്‌നല്‍ നിര്‍ദ്ദേശിക്കാന്‍ അദ്ദേഹം ഗാര്‍ഡിനോട് ആവശ്യപ്പെടുന്നു എന്നാണ്.

മൂന്ന് ചെറിയ ഹോണുകള്‍ - അപൂര്‍വ്വമായി മാത്രമേ മൂന്ന് ചെറിയ ഹോണുകള്‍ മുഴക്കാറുള്ളൂ. ലോക്കോ പൈലറ്റ്മാര്‍ക്ക് മോട്ടോറിന്റെ നിയന്ത്രണം നഷ്ടപ്പെട്ടു എന്നാണ് ഈ ഹോണ്‍ അര്‍ത്ഥമാക്കുന്നത്. ഗാര്‍ഡ് ഉടനടി വാക്വം ബ്രേക്ക് വലിക്കുന്നതിനുള്ള ഒരു സിഗ്‌നലാണിത്.

നാല് ചെറിയ ഹോണുകള്‍ - ട്രെയിനിന് എന്തെങ്കിലും ‘സാങ്കേതിക പ്രശ്നം’ ഉണ്ടെങ്കില്‍, അത് സൂചിപ്പിക്കുന്നതിനാണ് ലോക്കോ പൈലറ്റ് നാല് ചെറിയ ഹോണുകള്‍ മുഴക്കുന്നത്. ട്രെയിന്‍ ഇനി മുന്നോട്ട് പോകില്ലെന്നും ഇതിനര്‍ത്ഥമുണ്ട്.

തുടര്‍ച്ചയായ ഹോണ്‍ - ട്രെയിന്‍ യാതൊരു തടസ്സവുമില്ലാതെ സ്റ്റേഷനുകളിലൂടെ കടന്നുപോകുമെന്ന് യാത്രക്കാരെ അറിയിക്കാനാണ് തുടര്‍ച്ചയായ ഹോണ്‍ മുഴക്കുന്നത്.

ഒരു നീണ്ട ഹോണും ഒരു ചെറിയ ഹോണും -എഞ്ചിന്‍ പ്രവര്‍ത്തനം ആരംഭിക്കുന്നതിന് മുമ്പ് ബ്രേക്ക് പൈപ്പ് സംവിധാനം സജ്ജീകരിക്കുന്നതിന് ഗാര്‍ഡിന് സൂചന നല്‍കാനായാണ് ലോക്കോ പൈലറ്റ് ഈ ഹോണ്‍ അടിക്കുന്നത്.

രണ്ട് നീണ്ട ഹോണുകളും രണ്ട് ചെറിയ ഹോണുകളും - ലോക്കോ പൈലറ്റ് രണ്ട് നീണ്ട ഹോണുകളും രണ്ട് ചെറിയ ഹോണുകളും നല്‍കിയാല്‍ എഞ്ചിന്റെ നിയന്ത്രണം ഏറ്റെടുക്കാന്‍ അദ്ദേഹം ഗാര്‍ഡിനെ സിഗ്‌നല്‍ നല്‍കുന്നുവെന്നാണ് അര്‍ത്ഥം.

രണ്ട് ഇടവേളകളുള്ള രണ്ട് ഹോണുകള്‍ - ഒരു റെയില്‍വേ ക്രോസിംഗിലൂടെ ട്രെയിന്‍ ഓടാന്‍ തുടങ്ങുമ്പോഴാണ് ഈ ഹോണ്‍ മുഴക്കുന്നത്. ഈ സിഗ്‌നല്‍ വഴിയാത്രക്കാരെ അറിയിക്കാനായാണ് ഉപയോഗിക്കുന്നത്.

നീണ്ടതും ചെറുതുമായ രണ്ട് ഹോണുകള്‍ - ലോക്കോ പൈലറ്റ് ട്രെയിനിന്റെ ട്രാക്കുകള്‍ മാറ്റാന്‍ പോകുമ്പോഴെല്ലാം, ഈ പ്രത്യേക ഹോണ്‍ അടിക്കും

രണ്ട് ചെറുതും ഒരു നീണ്ടതുമായ ഹോണ്‍ - ഈ ഹോണ്‍ ശബ്ദം രണ്ട് സാധ്യതകളെ സൂചിപ്പിക്കുന്നു. ഒന്ന് യാത്രക്കാരന്‍ ചങ്ങല വലിക്കുമ്പോഴും രണ്ടാമതായി ഗാര്‍ഡ് ഒരു വാക്വം ബ്രേക്ക് വലിക്കുമ്പോഴും.

ആറ് തവണ തുടര്‍ച്ചയായി അടിക്കുന്ന ചെറിയ ഹോണുകള്‍ - ഇത് ഒരു സുഖകരമായ സിഗ്‌നലല്ല. ഇതിനര്‍ത്ഥം ട്രെയിന്‍ അപകടകരമായ സാഹചര്യത്തില്‍ കുടുങ്ങിക്കിടക്കുന്നു എന്നാണ്.